Ռուսական Դաշնութեան Պաշտպանութեան նախարարութիւնը յայտարարեց, թէ ռուսական ուժերը գրաւեցին Ուքրանիոյ արեւելեան Տոնեցք քաղաքէն հինգ քիլոմեթր հեռու գտնուող Փոպետա գիւղը: Այս երկրորդ յաջողութիւնն է ռուսական ուժերու կողմէ Ավտիեվքա քաղաքի գրաւումէն ետք: Պախմոթ քաղաքի անկումէն ետք Ավտիեվքայի անկումը ցոյց կու տայ ուքրանական ուժերու մօտ զինամթերթի եւ զէնքի պակասը ու անոր ազդեցութիւնը ամբողջ ճակատի երկայնքին կատարուած գործողութիւններուն վրայ:
Լիբանանի մէջ Ուքրանիոյ դեսպանատունը յայտարարեց, թէ ռուսական կողմը հետաքրքրուած չէ Ուքրանիոյ հետ զինադադար կնքելու հարցով, որովհետեւ իր նպատակը ամբողջ Ուքրանիոյ տիրելն է: Ըստ դեսպանատան, 2024 տարին պիտի ըլլայ դժուար տարի մը Ուքրանիոյ պատերազմին մէջ:
