Արդարադատութեան միջազգային դատարանին մէջ Չինաստանի ներկայացուցիչը յայտարարեց, թէ ժողովուրդներու ազատագրական պայքարը իրաւունքն է բոլոր գաղութատիրական գրաւումի ենթարկուող ժողովուրդներու:
Ներակայացուցիչը աւելցուց, որ երկու պետութիւններու լուծումի տարբերակը սկսած է մաշիլ պաղեստինեան գրաւեալ հողերու վրայ իսրայէլեան քաղաքականութեան պատճառով: Տարիներու ընթացքին Իսրայէլ կործանեց պաղեստինեան ամէն յոյս՝ գերիշխան պետութիւն մը հաստատելու համար: Այս դատական նիստը պահանջուած էր Միացեալ ազգերու կազմակերպութեան Ընդհանուր ժողովին կողմէ, որպէսզի Դատարանը իր օրինական կարծիքը յայտնէ 1967 թուականէն ի վեր գրաւուած պաղեստինեան հողերու կարգավիճակին մասին: Մանաւանդ Իսրայէլի վարած ազգայնամոլ քաղաքականութեան լոյսին տակ:
