Լիբանանեան ուժեր կուսակցութեան նախագահ Սամիր Ժահժահ պահանջեց կայացնել քաղաքապետական ու թաղապետական ընտրութիւնները: Ան հաստատեց, որ Մայիս ամսուան վերջաւորութեան կ’աւարտի ներկայ քաղաքապետարաններու օրինական ժամանակամիջոցը: Ան յայտարարեց, թէ նկատի կ’առնէ հարաւային Լիբանանի մէջ ընտրութիւն կատարելու դժուարութիւնը, սակայն այդ հարցը պէտք չէ անդամալուծէ ամբողջ երկիրը: Ներքին գործերու նախարարը մինչեւ 26 Փետրուար պէտք է հրաւիրէ ընտրական մարմինները սկսելու համար ընտրութեան հոլովոյթը:
