Նահատակ ղեկավարներու յիշատակի օրուան առիթով իր խօսած ճառին մէջ, Հըզպալլայի ընդհանուր քարտուղար սեյիտ Հասան Նասրալլա յայտարարեց, թէ իրենց զէնքը երկիրը պաշտպանելու համար է եւ ոչ թէ երկրին մէջ քաղաքական ճնշում բանեցնելու համար: Ան աւելցուց, որ շիի կուսակցութիւնները չեն ուզեր պարտադրել երկրի նախագահ: Ան հաստատեց, որ իրենք կ’ուզեն որ բանակը զօրանայ, սակայն ԱՄՆ դէմ է այդ գաղափարին: Ըստ Նասրալլայի, տարիներէ ի վեր իսրայէլեան ծրագիր մը կար պարպելու Կազան պաղեստինցի բնակչութենէն ու այս պատերազմը քօղազերծեց այդ իրականութիւնը: Ան հաստատեց, որ քաղաքացի նահատակներուն արիւնը պիտի հատուցանուի իսրայէլացի քաղաքացիներու արիւնով:
