Վարչապետի պաշտօնակատար Նեժիպ Միքաթի գործունեայ պետութիւններուն կոչ ուղղեց ճնշում բանեցնելու Թել Աւիւի վրայª դադրեցնելու համար ոտնձգութիւնները Լիբանանի հարաւային շրջաններուն մէջ: Տաւոսի մէջ միջազգային տնտեսական համագումարի աշխատանքներուն մասնակցութեան շրջագիծին մէջ, Միքաթի տեսակցութիւններ ունեցաւ ՄԱԿ-ի ընդհանուր քարտուղարին, շարք մը պաշտօնակիցներու եւ օտարազգի անձնաւորութիւններու հետª քննարկելու լիբանանեան ու տարածաշրջանային իրավիճակը եւ լուծումի հնարաւորութիւնները: Լիբանանի յանձնառութիւնը յայտնելով ՄԱԿ-ի 1701 բանաձեւի բոլոր յօդուածներուն, Միքաթի պահանջեց, որ Իսրայէլ եւս յարգէ միջազգային որոշումներըª ներառեալ 1949-ի զինադադադարի համաձայնութիւնը, վերջ տալով լիբանանեան գերիշխանութեան շարունակական խախտումներուն:
