Ն.Ս.Օ.Տ.Տ. Գարեգին Բ. Ամենայն Հայոց Վեհափառ Հայրապետին օրհնութեամբ, Շիրակի թեմի առաջնորդ Սրբազան Հայր Միքայէլ Աջապահեանի տնօրինութեամբ, Հայ Առաքելական եկեղեցւոյ Շիրակի թեմի ընկերային ծառայութեան եւ կրթական կեդրոնի աջակցութեամբ, Լիբանանի Սուրբ Էջմիածնի Կրօնասէր Տիկնանց Համախմբումի ատենապետուհի Անահիտ Տանձիկեան Լիբանանէն բերաւ նուէրներ, հագ ու կապ եւ Կիւմրիի մէջ դասաւորեց պարէնային սնունդներ, որ բաժնուին Շիրակի մարզի մէջ ապրողª բռնի տեղահանուած արցախցի մեր քոյրերուն եւ եղբայրներուն£
Երկուշաբթի, 8 Յունուար 2024-ին, արժանապատիւ Տէր Գարեգին Սարգիսեանիª հոգեւոր հովիւ Ամասիա գիւղի, եւ Հռիփսիմէ Պալեանի հետ այցելեցինք, ուրախացուցինք եւ գոհացուցինք բռնի տեղահանուած բազմանդամ տասնվեց ընտանիքներ£
Երեքշաբթի, 9 Յունուար 2024-ին, արժանապատիւ Տէր Մակար քահանայ Գալամդարեանիª հոգեւոր հովիւ Շիրակի թեմի, եւ Հռիփսիմէ Պալեանի հետ այցելեցինք Շիրակի մարզի հետեւեալ գիւղերըª Հայկաւան, Երազգաւորս, Գետք, Ղարիպճանեան, Ախուրիկ որոնք սահմանամերձ են Թուրքիոյ հետ, եւ ուրախացուցինք եւ զուարճացուցինք բռնի տեղահանուած բազմանդամ տասներկու ընտանիքներ£
Զրուցեցինք ընտանիքներու անդամներու հետ£ Զանազան ընտանիքներու մէջ կ’ապրին տատիկներ, որոնց ցաւն ու վիշտը շատ ահռելի էր, ամուսինի, զաւակի եւ թոռան կորուստէն վերջ£
Չմոռնանք այս դժնդակ օրերունª Արցախէն բռնի տեղահանուած ընտանիքները եւ մեր առօրեայ հացէն ու ապրուստէն բաժին մը հանենք, օգտակար դառնալով իրենց£
Սուրբ Էջմիածնի Կրօնասէր Տիկնանց Համախմբումը յառաջիկային պիտի շարունակէ իր աջակցութիւնըª Հայաստանի տարբեր մարզերու մէջ ապրող արցախցիներուն£ Մենք կը ձգտինք կատարելու այն, ինչ որ բարին է ու օգտակար է մեր սիրելի հայրենակիցներուն£
ԱՆԱՀԻՏ ՊՈՒԼՏՈՒՔԵԱՆ ՏԱՆՁԻԿԵԱՆ
