Լահէյի մէջ շարունակուեցաւ Հարաւային Ափրիկէի Իսրայէլի ոճիրներուն դէմ ներկայացուցած հայցի քննարկումը: Իսրայէլեան կողմը բողոքեց, թէ Հարաւային Ափրիկէ նկատի չէ առած Համասի կատարած յարձակումը որպէս սկիզբ այս տագնապին: Ըստ Իսրայէլի, Համաս դպրոցները եւ հիւանդանոցները վերածած էր զօրանոցներու:
Իր կողմէ, Հարաւային Ափրիկէի փաստաբանները յոյս յայտնեցին, որ դատարանը կը վճռէ դադրեցնել պատերազմը Կազայի հատուածին մէջ: Ըստ նոյն կողմին, ափրիկեան պետութեան ներկայացուցած փաստերը անվիճարկելի են ու կը փաստեն Իսրայէլի նպատակըª բնաջնջելու Կազայի հատուածի պաղեստինցի բնակչութիւնը: Ափրիկեան կողմը նաեւ պահանջեց, որ վճիռին մէջ հաստատուի Կազա սնունդ եւ դեղ մտցնելու հրամայականը:
