Երէկ հրապարակուեցան 14 Դեկտեմբերին ձերբակալուած երկու անձերու ձերբակալութեան մանրամասնութիւնները: Անոնք ձերբակալուած էին խորհրդարանի նախագահ Նեպիհ Պըրրի անձնական պահակներուն կողմէ: Այդ անձերէն մէկուն մօտ գտնուեցաւ կատարելագործուած ելեկտրական սարք մը ու շրջանին մասին տեսերիզ արձանագրող գործիք մը: Երկու անձերը ձերաբակալուեցան խորհրդարանի նախագահին կեցութեան շրջանին մէջ լրտեսական աշխատանք կատարելու ամբաստանութեամբ: Ըստ Լիբանանի ապահովութեան ուժերու տեղեկութեան, խորհրդարանի նախագահ Նեպիհ Պըրրի կը համարուի առանցքային դէմք մը Լիբանանի քաղաքական թատերաբեմին վրայ ու անոր հեռանալը կրնայ պահանջուած ըլլալ կարգ մը միջազգային հոսանքներու կողմէ, Լիբանանը մտցնելու համար քաոսային վիճակի մէջ:
