Խաւիեր Միլէյը հանդիսաւոր երդմամբ ստանձնած է Արժանթինի նախագահի պաշտօնը: Երդմնակալութեան արարողութիւնը տեղի ունեցած է մայրաքաղաք Պուենոս Այրեսի մէջª գոնկրէսի շէնքին մէջ£
Այս առթիւ Պուենոս Այրէս մեկնած ՀՀ նախագահ Վահագն Խաչատուրեանը հանդիպած է Արժանթինի ընտրուած նախագահ Խաւիեր Միլէյի հետ£ Ողջունելով նախագահ Խաչատուրեանը, Խաւիեր Միլէյը շնորհակալութիւն յայտնած է իր երդմնակալութեան արարողութեան մասնակցելու հրաւէրը ընդունելու համար£ ՙԻնծի համար պատիւ է հանդիպիլ Ձեզի, ես եղած եմ Հայաստան եւ ծանօթ եմ Հայաստանին, վստահ եմ, որ մենք աւելի կը խորացնենք ու սերտացնենք մեր յարաբերութիւնները՚, նշած է Արժանթինի ընտրուած նախագահը: Շնորհակալութիւն յայտնելով ջերմ ընդունելութեան համար, Վահագն Խաչատուրեանը շնորհաւորած է Խաւիեր Միլէյըª ընտրութիւններուն յաղթանակի առթիւ£ Հանդիպման ընթացքին նախագահ Վահագն Խաչատուրեանը, իր եւ ՀՀ վարչապետին անունով, Խաւիեր Միլէյը հրաւիրած է Հայաստան, ինչին ի պատասխան Արժանթինի ընտրուած նախագահը նշած է, որ սիրով կ’այցելէ Երեւան հնարաւորութեան պարագային, այդ կերպ աւելի նպաստելով երկու երկիրներուն միջեւ յարաբերութիւններու ամրապնդման£
Հանդիպման ընթացքին քննարկուած են երկկողմ հետաքրքրութիւն ներկայացնող ոլորտներուն մէջ համագործակցութեան հնարաւորութիւններն ու ներդրումային ծրագրերու խթանումը£ Զրոյցի ընթացքին երկուստեք կարեւորուած են պետական կառավարման համակարգին մէջ շարունակական բարեփոխումներու իրականացման անհրաժեշտութիւնը: Հանդիպման աւարտին ընգծուած է Հայաստանի եւ Արժանթինի միջեւ արդիւնաւէտ համագործակցութեան խթանման կարեւորութիւնը£
