ԸՍԱԾ Է ՍԹԱՆՕ
Եւրոմիութիւնը չի դիտարկեր Հայաստանի հետ համատեղ զօրավարժութիւններ անցընելու հնարաւորութիւնը, ըսած է ԵՄ արտաքին քաղաքականութեան ծառայութեան պաշտօնական ներկայացուցիչ Փիթըր Սթանօն£
Ընդգծելով, որ ԵՄ-ն ռազմական դաշինք չէ, այն ՙարժէքներու քաղաքական եւ տնտեսական համայնք է՚, Սթանօն պարզաբանած էª Եւրոմիութիւնը չի նախատեսեր հայ զինուորականները պատրաստել ԵՄ անդամ երկիրներու տարածքին մէջ£
Ան վերահաստատած էª Եւրոմիութիւնը կ’ուսումնասիրէ Խաղաղութեան եւրոպական հիմնադրամի միջոցով հայկական բանակին ՙոչ-մահաբեր ձեւաչափով՚ աջակցութիւն ցուցաբերելու հնարաւորութիւնը, միեւնոյն ժամանակ շեշտելովª յստակ որոշումներ դեռ չկան£
Հայաստանի մէջ Եւրոմիութեան պատուիրակութեան ղեկավար Վասիլիս Մարակոսը յայտնած էր, որ Եւրոմիութիւնը մտադիր է Հայաստանի զինուած ուժերուն աջակցութիւն տրամադրելու վերաբերեալ յստակ առաջարկներ մշակել եւ այդ նպատակով Պրիւքսէլը յառաջիկային գիտարուեստական առաքելութիւն պիտի ուղարկէ Երեւան£
Ան ըսած էր, որ եւրոպական բարձր ներկայացուցիչ Ժոզեփ Պորէլը արդէն յանձնառութիւն ստանձնած է, որ պիտի աշխատի այդ ուղղութեամբ եւ խոստացած է մանրամասնութիւններ ներկայացնել յառաջիկայ շաբաթներուն:
ՙԿը պատրաստուինք գիտարուեստական առաքելութեան այցինª այս տարուան վերջը կամ տարեսկիզբինª ոչ-մահաբեր ձեւաչափի աջակցութեան ոլորտին մէջ յստակ առաջարկներու մշակման համար՚, նշած էր Մարակոսըª չյստակացնելով, թէ ի՞նչ կը նշանակէ ՙոչ-մահաբեր ձեւաչափի աջակցութիւնը՚ եւ արդեօք այդ պաշտպանական զինատեսակներու տրամադրում կ’ենթադրէ£
Աւելի վաղ ալ Եւրոմիութեան պատուիրակութիւնը յայտարարած էր, թէ Եւրոպական Միութիւնը յաւելեալ պիտի ուսումնասիրէ եւրոպական խաղաղութեան շրջանակին միջոցով Հայաստանի զինուած ուժերուն ՙոչ-մահաբեր ձեւաչափի՚ աջակցութիւնը£
