Բրիտանական ՙՏը Կարտիըն՚ օրաթերթը հաղորդեց, որ Միացեալ Նահանգներ զգուշացուցած է Եմէնի հուսիները, թէ խաղաղութեան հոլովոյթը կրնայ ձախողիլ եթէ իրենք շարունակեն իրենց գործողութիւնները Իսրայէլի շահերուն դէմ: ԱՄՆ-ի գոնկրէսին մէջ մեծ ճնշում կայ Հուսի շարժումը դասակարգելու համար ահաբեկչական: Այսպիսի յայտարարութիւն մը պիտի ձախողցնէ Սէուտական Արաբիոյ հետ խաղաղութեան հոլովոյթը:
Եմէնի հուսիները որոշեցին արգիլել դէպի Իսրայէլ ուղղուող որեւէ նաւու անցքը Պապ Էլ Մանտէպ նեղուցէն: Երէկ նորվեկիական ՙԷսթրենտա՚ քարիւղատարը ենթարկուեցաւ ռմբակոծումի եմէնցիներուն կողմէ: Եմէնցիներ յայտարարեցին, թէ պիտի արգիլուի ամէն նաւու անցքը, որ կ’ուղղուի Իսրայէլ, մինչեւ այն ատեն որ Կազա կը մնայ շրջապատուած:
