Վարչապետ Նիկոլ Փաշինեան Տաւուշի մէջ ներկայ գտնուած է Դիլիջանի վերակառուցուած մարզահամալիրի բացման արարողութեան:
Վարչապետը շնորհաւորած է ներկաները մարզահամալիրի բացման առիթով եւ նշած է.
ՙԱյն, ինչ լսեցի քիչ առաջ, փոքր դառնացնող է, որովհետեւ հնչեց Դիլիջանի միակ մարզադպրոց արտայայտութիւնը: Այսինքն այս արտայայտութիւնը կրնայ ցոյց տալ ինքնին, թէ մենք ինչ ծաւալի խնդիրի առաջ կանգնած ենք եւ ինչ խնդիրներ պէտք է լուծենք, բայց իմ ըսածը անոր մասին չէ, չեմ ակնարկեր, որ դժուար է: Ինչքան ալ դժուար ըլլայ, այդ խնդիրները մենք պէտք է լուծենք: Ընդամէնը երկու օր առաջ կառավարութեան նիստինմ ընդունեցինք ՙՀայաստանի Հանրապետութեան մէջ ֆիզիքական կրթութեան եւ մարմնամարզի զարգացման 2024-2030 թուականներու ռազմավարութիւնը՚: Այդ ռազմավարութիւնը, մեծ հաշուով ասոր մասին է, որ մենք Հայաստանի մէջ մարզական ենթակառուցուածքը պէտք է զարգացնենք, բայց շատ կարեւոր է, որ այս ճանապարհին կառավարութիւնը միայնակ չըլլայ: Կ՛ուզեմ յատուկ շնորհակալութիւն յայտնել GreenRock ընկերութեանª նման նախաձեռնութեան համար՚:
Նիկոլ Փաշինեանի խօսքով` կառավարութեան օրակարգը եւ խնդիրը շատ պարզ է. պէտք է այնպէս ընել, որ իւրաքանչիւր երեխայ, նոյնիսկ իւրաքանչիւր մեծահասակ, մարմնամարզով զբաղելու ենթակառուցուածքին հասանելիութիւն ունենայ: ՙԵւ մենք հիմա ալ բաւականին մեծ թիւով մարզական ենթակառուցուածքներ կը ստեղծենքª դպրոցներու տեսքով: Երկու օր առաջ դարձեալ կառավարութեան նիստին հնչեց, որ յառաջիկայ մէկ ամսուայ ընթացքին 25 մարզադահլիճներ շահագործման պիտի յանձնենք այն դպրոցներուն համար, որոնք չունին նման մարզադահլիճներ:
Կարեւոր է, որ այս հոլովոյթը շարունակուի եւ մասնաւոր հատուածն ալ կառավարութեան ռազմավարութիւններուն համահունչ ներդրումներ ընէ՚, նշած է Նիկոլ Փաշինեան` աւելցնելով, որ կառավարութեան դերն է` ուղղորդել մասնաւոր այն ներդրումները, որոնք ընկերային պատասխանատուութեան շրջանակին մէջ են: ՙԲոլոր այդ ներդրումները պէտք է լիարժէք համապատասխանեն կառավարութեան կողմէ ընդունուած ռազմավարութիւններուն, որպէսզի մենք կարենանք համագործակցութիւն ստանալ՚, ըսած է Նիկոլ Փաշինեան:
Վարչապետը շրջած է մարզահամալիրին մէջ, ծանօթացած է իրականացուած շինարարական աշխատանքներուն: Վարչապետին ներկայացուած է, որ Դիլիջանի մարզահամալիրը վերջին անգամ նորոգուած էր 2006 թուականին£ Ծրագիրը իրականացուած է Դիլիջանի համայնքապետարանի եւ GreenRock Management Group միջազգային կառուցապատող ընկերութեան հետ համագործակցութեամբ£ Փոխուած է շէնքին արտաքին եւ ներքին ձեւաւորումը£ Ձեռք բերուած են նոր մարզական գոյք եւ սարքաւորումներ£ Պատասխանատուներու ներկայացմամբ, դպրոցին մէջ պիտի գործեն ըմբշամարտի, բռնցքամարտի, բազկամարտի, ֆութպոլի, սեղանի թենիսի եւ գեղարուեստական մարմնամարզութեան խմբակներ£ Այժմ դպրոցին մէջ կրնայ մարզուիլ աւելի քան 500 մարդ£ Մարզահամալիրը ապահովուած է նաեւ աղջիկներու մարզուելու համար նախատեսուած գոյքով£
Դիլիջանի մէջ վարչապետը ծանօթացած է նաեւ Յովհաննէս Շարամբէյեանի անուան գեղարուեստի դպրոցի հիմնանորոգման աշխատանքներուն£ Յուշարձան շէնքը նախկին տեսքին բերելու համար ամրակայման, հիմնանորոգման աշխատանքներուն համար օժանդակութեան ծրագրով յատկացուած է 232 միլիոն դրամ, որմէ կառավարութիւնը համաֆինանսաւորած է 93 միլիոն դրամ£
Նիկոլ Փաշինեան ծանօթացած է նաեւ Դիլիջան քաղաքի Կալինինի 256 հասցէէն մինչեւ Այգեստան 1/1 հասցէն ինկած հատուածի ասֆալթապատման աշխատանքներուն, որոնք արդէն աւարտած են: Ներկայացուած է, որ օժանդակութեան ծրագրի շրջանակին մէջ իրականացուած աշխատանքներու ընդհանուր պիւտճէն կազմածլ է 128 միլիոն դրամ, որուն 60%-ը համաֆինանսաւորած է Դիլիջանի համայնքապետարանը, իսկ 40%-ըª կառավարութիւնը:
