Երեւանեան միջազգային թատերական փառատօնը Հայաստանի մէջ պիտի հիւրընկալէ այնպիսի հռչակաւոր թատրոններ, ինչպիսիք են ՙԵւրոպայի թատրոն՚ կոչումը կրող փարիզեան Օտէոնը, Փեթերսպուրկի Ալեքսանտրինեան թատրոնը: Փառատօնին պիտի մասնակցին թատերախումբեր ԱՄՆ-էն, Լեհաստանէն, Վրաստանէն, Հայաստանէն£
Երեւանեան միջազգային թատերական փառատօնը, որ կազմակերպուած է Գաբրիէլ Սունդուկեանի անուան ազգային ակադեմական թատրոնին նախաձեռնութեամբ, տեղի պիտի ունենայ 17 Հոկտեմբերէն 18 Նոյեմբեր: Փառատօնը կը մեկնարկէ ՙՄոխրոտը՚ ներկայացմամբ, յատուկ Արցախէն բռնի տեղահանուած մանուկներուն համար£
Գ. Սունդուկեանի անուան ազգային ակադեմական թատրոնի տնօրէն, փառատօնի հիմնադիր-նախագահ Վարդան Մկրտչեան ըսաւ, որ աշխարհի մէջ կան հրաշալի քաղաքներ, որոնք իրենց անուններով փառատօներ ունին, որոնք լաւագոյններն ենª Ավինիոն, Էտինպուրկ եւ այլն: ՙՄտածեցիքª ինչո՞ւ չունենալ Երեւանեան միջազգային փառատօն: Սա պարզ մրցակցութիւն չէ. առաջին պետական թատրոնը իր մէկդարեայ պատմութեան մէջ ունեցած է միջազգային մակարդակի տասնեակ արուեստագէտներ, եւ մենք պէտք է շարունակենք անոնց գործը եւ այդ արուեստագէտներուն միջազգային գործունէութիւնը 21-րդ դարի շունչով տարածենք եւ մեծցնենք՚, նշեց ան:
Մկրտչեանի խօսքովª փառատօնը թատերական աշխարհին փոփոխութիւն, նոր շունչ հաղորդելու նախագիծ է:
ՀՀ ԿԳՄՄ նախարար Ժաննա Անդրէասեան շնորհաւորեց թատերասէրները փառատօնի մեկնարկին առթիւ: ՙՇատ կարեւոր է, որ արուեստի բոլոր ոլորտներուն մէջ որակական բարձր նշաձողը պահենք ու զարգացնենք: Միջազգային համագործակցութիւնը այն ուղիղ ճանապարհներէն մէկն է, որով հնարաւոր է հասնիլ այդ նշաձողին, ուստի շատ կը կարեւորեմ, որ Երեւանի անունը կրող փառատօնը դառնայ մեր մշակութային կեանքի անբաժան մասը: Յոյս ունիմ, որ ամէն տարի կ՛արձանագրենք փառատօնի նոր յաջողութիւններ՚, ընդգծեց նախարարը:
Անդրէասեան յատկապէս հիմա կը կարեւորէ նման փառատօներու կայացումը, քանի որ մշակոյթը մարտահրաւէրներուն դիմակայելու ամենակարեւոր բաղադրիչներէն է:
Երեւանի քաղաքապետարանի ներկայացուցիչ Գօշ Սարգսեանի հաւաստիացմամբª Երեւանը ունի լուրջ թատերական աւանդոյթներ, Երեւանի մէջ աշխատած են ու կը շարունակեն աշխատիլ թատերական ոլորտի մեծագոյն գործիչներ, որոնք չեն զիջիր ոլորտի համաշխարհային արուեստագէտներուն: ՙԵրեւանի քաղաքապետարանը վերջին ժամանակներուն մեծ ուշադրութիւն կը դարձնէ թատերական ոլորտին: Յառաջիկային հիմնովին նորոգուած ու վերազինուած շահագործման պիտի յանձնուի ՙՄհեր Մկրտչեան՚ թատրոնը, 2024-ին հիմնովին պիտի վերանորոգուի Պատանի հանդիսատեսի թատրոնը՚, տեղեկացուց Սարգսեան ու յաւելեց, որ 2024-ին կը նախաձեռնեն ՙԹատերական Երեւան՚ ծրագիրը գրականութեան ոլորտին մէջ, որու ծիրին մէջ պիտի համագործակցին հրատարակիչներու հետ, որոնց աջակցութեամբ պիտի թարգմանուին ժամանակակից կտորները:
Հայաստանի մէջ Ֆրանսայի դեսպանութեան մշակոյթի եւ համագործակցութեան հարցերով խորհրդական Կիյոմ Նարժոլեն յիշեցուց, որ վաղուց կը համագործակցին Սունդուկեանի անուան թատրոնին հետ, յոյս ունինª համագործակցութիւնը շարունակական կ՛ըլլայ: ՙՄէկ տարի առաջ հանդիպեցանք Օտէոնի եւ Սունդուկեանի անուան թատրոններու տնօրէններուն հետ եւ որոշեցինք Օտէոնի թատրոնը հրաւիրել Հայաստան: Յաջողեցանք: Օտէոնի թատրոնի տնօրէնը մէկ տարի առաջ մասնակցած է Հայաստանի մէջ կազմակերպուած դրամատիկական արուեստանոցին, որ Սերժ Աւետիքեանը նախաձեռնած էր՚, պատմեց Նարժոլեն: Ան շեշտեց, որ այսօր շատ կարեւոր է մշակոյթի միջոցով ամրապնդել հայ-ֆրանսական յարաբերութիւններն ու նպաստել անոնց զարգացման:
Փառատօնը տեղի կ՛ունենայ ՀՀ Կրթութեան, գիտութեան, մշակոյթի եւ մարմնակրթութեան նախարարութեան եւ Երեւանի քաղաքապետարանին հովանաւորութեամբ, Օտէոն թատրոնի մասնակցութեան աջակցած են Ֆրանսական հիմնարկը, Ֆրանսայի դեսպանատունը Հայաստանի մէջ եւ ՙԱկբա՚ դրամատունը£ ՙԱրմենիա Վայն՚ ընկերութիւնը, որ փառատօնի աջակիցներէն է, ստեղծած է փառատօնին անունը կրող յատուկ գինի£
