Իսրայէլի վարչապետ Պենիամին Նեթանիահու յայտարարեց, թէ դժուար օրեր պիտի տեսնեն, միացեալ ուժերով պիտի պայքարին, սակայն յետքայլ չկայ: Ան աւելցուց, որ ԱՄՆ-ի նեցուկը կը վայելեն: Պատերազմը պէտք է աւարտի յաղթանակով եւ «Համաս» շարժումի լուծարումով:
Նեթանիահու Քնեսէթին առջեւ ներկայացուց միացեալ կառավարութեան կազմը, որ պիտի իշխէ Իսրայէլի մէջ ամբողջ պատերազմի տեւողութեան: Քնեսէթը մեծամասնութեամբ քուէարկեց կառավարութեան օգտին:
Ընդդիմադիր երեսփոխան Եայիր Լափիտ յայտարարեց, թէ մաս պիտի չկազմէ միացեալ կառավարութեան: Ան աւելցուց, որ այս կառավարութիւնը միայն քաոս պիտի պատճառէ:
