Գաբրիէլ Սունդուկեանի անուան ազգային ակադեմական թատրոնը կը նախատեսէ աշխատատեղեր ստեղծել Լեռնային Ղարաբաղէն բռնի տեղահանուածներուն համար:
Այս մասին հաղորդագրութիւն հրապարակուած է թատրոնի ֆէյսպուքեան պաշտօնական էջին վրայ:
ՙԿ՛ապրինք բարդ ու դժուարին ժամանակահատուածի մէջ, երբ մեր հոգիները պատած ցաւը թեւաթափ կ՛ընէմ, սակայն այս օրերուն նպատակային գործունէութիւնն է միակ փրկօղակը. այժմ անչափ կարեւոր է, որ իւրաքանչիւրս իր ուժերը ներդնէ մեր հայրենակիցներուն սատար կանգնելու գործին մէջ£ Գաբրիէլ Սունդուկեանի անուան ազգային ակադեմական թատրոնը կը վերսկսի խաղաշրջանըª գիտակցելով, որ մշակոյթն է այն բանալին, որ մեզ դարեդար ապրելու եւ արարելու ուժ տուած է£
Յստակ հասկնալով ներկայի առաջնահերթութիւններըª թատրոնը որոշած է ստեղծել յատուկ աշխատատեղեր Լեռնային Ղարաբաղէն բռնի տեղահանուած մեր հայրենակիցներուն համար՚, կ՛ըսուի հաղորդագրութեան մէջ եւ կը շեշտուի, որ մանրամասն տեղեկատուութիւնը հասանելի պիտի ըլլայ մօտ օրերուն:
Թատրոնը նաեւ կը սկսի յատուկ անվճար այցելութիւններու ծրագիր Լեռնային Ղարաբաղէն բռնի տեղահանուածներուն համար£
