Միացեալ ազգերու կազմակերպութեան խօսնակ Սթեֆան Տոժարիք ներկայացուց տեղեկագիր մը Արցախ այցելած կազմակերպութեան քննիչ յանձնախումբի աշխատանքին մասին: Ըստ տեղեկագրին, քննիչները չեն նկատած որեւէ վնաս ենթակառոյցներուն, հիւանդանոցներու, վարժարաններու, կրօնական կամ մշակութային կեդրոններու մէջ:
Ըստ տեղեկագիրին, որեւէ օրէնքի խախտումի բողոք չէ ներկայացուած բնակչութեան կողմէ: Քննիչները Արցախ մտած էին գալով Հայաստանի հանրապետութենէն, անցնելով Լաչինի միջանցքէն: Քննիչները զարմացած էին հայ բնակչութեան առած քայլէնª պարպելու ամբողջ Արցախը:
