Լիբանանի խորհրդարանի վարչութեան եւ արդարութեան յանձնախումբի նախագահ Ժորժ Ատուան յայտարարեց, թէ յանձախումբը սկսած է քննարկել սուրիացի քաղաքացիներու կեցութեան հարցը: Ըստ Ատուանի, բոլոր անդամները համամիտ էին, թէ սուրիացի քաղաքացիներու կեցութեան հարցը պէտք է գտնէ իր օրինական լուծումը: Այս պատճառով, յանձնախումբը պիտի սկսը քննարկել օրէնքի նախագիծ մը, որ կը յստակացնէ սուրիացի քաղաքացիներու կեցութեան հարցը Լիբանանի մէջ: 2011 թուականէն առաջ սուրիացի քաղաքացիներու կեցութիւնը օրինական էր: Ամէն ինչ խախտեցաւ Սուրիոյ պատերազմին պատճառով, երբ հազարաւոր գաղթականներ հասան Լիբանան:
