Երէկ Ատրպէյճան վար առաւ իր դիմակը եւ լայնածաւալ ռմբակոծումի ենաթրկեց Արցախի բանակի դիրքեր եւ քաղաքացիական բնակավայրեր: Ժամը 21:00-ի դրութեամբ Արցախի մէջ ինկած էին 138 վիրաւորներ, որոնցմէ 29-ըª քաղաքացիներ: Կայ 25 զոհ, որոնցմէ երկուքը քաղաքցի: 112 վիրաւոր կայ Ստեփանակերտի հիւանդանոցին մէջ, 11 վիրաւորª մանկական հիւանդանոցին մէջ եւ 15 վիրաւորª Մարտակերտի հիւանդանոցին մէջ: Ասկերանի եւ Մարտունիի հիւանդանոցներուն հետ կապը խզուած է:
Ըստ Արցախի նախկին պետական նախարար Արտակ Բեգլարեանի, ատրպէյճանական օդուժը ռմբակոծած է Ասկերանի գիւղերը եւ Մարտակերտ քաղաքը:
Արցախի սահմանամերձ վեց գիւղերու բնակչութիւնը դատարկուած է: Այդ գիւղերն ենª Խրամորթ, Խնապատ, Սառնաղբիւր, Նախիջեւանիկ, Մաճկալաշէն եւ Ճանկաթաղ:
Ըստ Արցախի Պաշտպանութեան նախարարութեան վերջին տեղեկութիւններուն, մարտերը կը շարունակուին Արցախի սահմանի երկայնքին: Ատրպէյճան կը գործածէ անօդաչու թռչող սարքեր, հրետանի, հրթիռներ եւ օդուժ ամբողջ սահմանի երկայնքին:
Ռուսական դաշնութեան պաշտպանութեան նախարար Սերկէյ Շոյկու եւ Իրանի Զինեալ ուժերու գլխաւոր շտապի պետ Մոհամմատ Պաքէրի քննարկած են վիճակը Սուրիոյ, Աֆղանիստանի եւ Արցախի մէջ:
Հեռախօսազրոյց տեղի ունեցած է Հայաստանի հանրապետութեան վարչապետ Նիկոլ Փաշինեանի եւ Ֆրանսայի նախագահ Էմանուէլ Մաքրոնի միջեւ: Քննարկուած է Արցախի վրայ սկսած ատրպէյճանական լայնածաւալ յարձակումը եւ Ֆրանսայի նախագահը ընդգծած է ուժի կիրարկումի անթոյլատրելիութիւնը եւ խոստացած է հրաւիրել Միացեալ ազգերու կազմակերպութեան Ապահովութեան խորհուրդի արտակարգ նիստª քննարկելու համար Արցախի վիճակը ատրպէյճանական յարձակումի լոյսին տակ:
