Արցախի հանրապետութեան նախագահ Արայիկ Յարութիւնեան պիտի ներկայացնէ իր հրաժարականը: Ան իր ուղերձին մէջ յայտարարեց, թէ ստանձնելէն ետք իր պաշտօնը աշխատեցաւ ամրապնդելու երկրին պաշտպանութիւնը: Սակայն, չորս ամիս ետք տեղի ունեցաւ 44-օրեայ պատերազմը, որ աւարտեցաւ հայոց պարտութեամբ: Ան ընդունեց, որ ամէն քաղաքական եւ զինուորական գործիչ կը կրէ պատասխանատուութեան իր բաժինը: Նախագահը ներողութիւն խնդրեց ժողովուրդէն: Պատերազմէն ետք վիճակը դարձաւ ճնշող եւ պետութիւնը կը գտնուէր կործանումի եզրին: Ան ամէն ճիգ ի գործ դրաւ կայունութիւնը ամրապնդելու եւ արցախցիներուն տունդարձը ապահովելու համար: Ըստ նախագահին, Ատրպէյճանի ներկայ շրջափակումի քաղաքականութիւնը կը փաստէ, որ մեր ժողովուրդը ունի աննկուն կամք եւ կը դիմնայ ամէն սադրանքի:
Ներկայ անկայուն աշխարհաքաղաքական բախումի պայմաններուն մէջ, պէտք է վարել ճկուն քաղաքականութիւն եւ ժամն է որ փոխուի Արցախի ղեկավարութիւնըª քայլ պահելու համար փոխուող պայմաններուն հետ: Ան յայտարարեց, թէ պետական նախարար Գուրգէն Ներսիսեան պիտի փոխարինուի Սամուէլ Շահրամանեանով: Ան նոր պետական նախարարը ներկայացուց, որ հարուստ գիտելիք ու փորձառութիւն ունեցող ճկուն, սկզբունքային դիւանագէտ անձ մը: Յարութիւնեան յայտարարեց, թէ իր ընտանիքին հետ պիտի մնայ Արցախի մէջ ու շարունակէ օգտակար դառնալ իր կարելիութեան սահմանին մէջ:
