Միացեալ ազգերու կազմակերպութեան Անվտանգութեան խորհուրդը երկարաձգեց հարաւային Լիբանանի մէջ գործող ԵՈՒՆԻՖԻԼ-ի ուժերու մանտաթը: Անդամ 15 երկիրներէն 13-ը կողմ քուէարկեցին, մինչ Ռուսիա եւ Չինաստան ձեռնպահ մնացին: Որոշումին մէջ կը յիշուի, որ ՙԼիբանան տակաւին կը ներկայացնէ սպառնալիք համաշխարհային խաղաղութեան եւ ապահովութեան համար՚: Որոշումին մէջ կայ կոչ շարունակելու համագործակցութիւնը լիբանանեան բանակին եւ ԵՈՒՆԻՖԻԼ-ի ուժերուն միջեւ, առանց խանգարելու ԵՈՒՆԻՖԻԼ-ի ուժերուն պարտականութեան կատարումը: Որոշումին մէջ կայ կոչª շարունակելու գործադրել Անվտանգութեան խորհուրդի թիւ 1701 որոշումը, խաղաղ պահելու համար սահմանային շրջանը: Որոշումին մէջ կը յիշուի նաեւ լիբանանեան բանակին օժանդակելու կարեւորութիւնը որպէս օրինականութեան աղբիւր: Որոշումը կը դատապարտէ ամէն սահմանային խախտում որեւէ կողմէն որ կատարուի:
