Լիբանանի Կեդրոնական դրամատան չորս փոխկառավարիչները խորհրդարանի Վարչութեան եւ արդարութեան յանձնախումբին ներկայացուցին յստակ ծրագիր մը, որ կը պահանջէ վերատեսութեան ենթարկել կառավարութեան ամավարկը կամ պիւտճէն, գործադրել դրամական փոխանցումի ՙՔեփիթըլ քոնթրոլ՚ ծրագիրը, դրամատուներու վերատեսութեան ենթարկում, ի պահ դրուած գումարի պաշտպանութիւն եւ օտար դրամանիշի շուկայի հսկում խորհրդարանին եւ կառավարութեան օժանդակութեամբ: Տրուած ժամանակամիջոցը մինչեւ Նոյեմբեր ամսուան վերջն է:
Ժողովի աւարտին, առաջին փոխկառավարիչ Ուասիմ Մանսուրի յայտարարեց, թէ իրենք ներկայացուցին իրենց առաջարկները երկրի դրամական կայունութիւնը ապահովելու համար: Ան աւելցուց, որ ցարդ որեւէ արդիւնքի չհասան: Պիտի սպասեն երեսփոխաններուն կատարելիք ժողովներու արդիւնքին: Խորհրդարանի Վարչութեան եւ արդարութեան յանձնախումբի նախագահ Ժորժ Ատուան յայտարարեց, թէ պիտի գումարեն յաւելեալ ժողովներ եւ ամէն արդիւնք պիտի յայտարարուի:
ԿԵԴՐՈՆԱԿԱՆ ԴՐԱՄԱՏԱՆ ԾՐԱԳԻՐ
