Պրիւքսէլի մէջ, 15 Յուլիսին, տեղի ունեցաւ Հայաստանի վարչապետ Նիկոլ Փաշինեանի հերթական տեսակցութիւնը Ատրպէյճանի նախագահ Իլհամ Ալիեւի հետ, հովանաւորութեամբ ու ներկայութեամբ Եւրոպական խորհուրդի նախագահ Շարլ Միշէլի: Հայաստանի կառավարութիւնը յայտարարեց, թէ ժողովականները քննարկած են Լաչինի միջանցքին ապօրինի շրջափակումն ու անոր յառաջացուցած վտանգաւոր հետեւանքները, սահմանային անվտանգութեան ապահովումի խնդիրը, սահմանագծումի թղթածրարը, տարածաշրջանի փոխադրութեան եւ տնտեսական ենթակառոյցներու ապաշրջափակումի նիւթը, Արցախի ժողովուրդին իրաւունքներուն եւ անվտանգութեան պահպանումը, գերիներու եւ անհետ կրոսուածներու թղթածրարները: Ժողովականները պարզապէս համաձայնած են ՙաշխուժացնել ջանքերըª քննարկուած խնդիրները կարգաւորելու ուղղութեամբ՚:
Եւրոպական խորհուրդի նախագահ Շարլ Միշէլ աւելի ուշ յայտնեց, որ իրենք կարեւոր կը համարեն Պաքուի եւ ՙԼեռնային Ղարաբաղի նախկին ինքնավար մարզին մէջ ապրող հայերու՚ միջեւ երկխօսութեան կայացումըª լուծելու համար հարցերը:
