ԱՄՆ-ի Լոս Անճելըս քաղաքին մէջ, 10 Յուլիսին, 90 տարեկան հասակին կեանքէն հեռացած է Ռաֆֆի Յովհաննիսեանի հայրըª Ռիչըրտ Յովհաննիսեանը: Այս մասին տեղեկացուցած է Ռազմավարական եւ ազգային հետազօտութիւններու հայկական կեդրոնըª տարածած հաղորդագրութեամբ:
ՙԱՄՆ-ի Լոս Անճելըս քաղաքին մէջ, 10 Յուլիսին, 90 տարեկան հասակին կեանքէն հեռացած է աշխարհահռչակ գիտնական, Հայաստանի Ազգային ակադեմիայի ակադեմիկոս, Գալիֆորնիոյ պետական համալսարանի Արդի հայոց պատմութեան ամպիոնի հիմնադիր ու առաջին վարիչ, ՙՀայաստանի Հանրապետութիւն՚ կոթողային քառահատոր աշխատութեան եւ Հայոց ցեղասպանութեան ու պատմական հայրենիքի վերաբերեալ բազմաթիւ գիրքերու հեղինակ Ռիչըրտ Գ. Յովհաննիսեանը՚, ըսուած է հաղորդագրութեան մէջ:
