ՔԻԼԻՄ ՀԻՒՍԵԼՈՒ ԱՇԽԱՏԱՆՈՑ
5 Յուլիս 2023-ին, սկիզբ առաւ Հայկազեան համալսարանի Ուսանողական արտադասարանային գործունէութեանց բաժանմունքին նախաձեռնած հայկական քիլիմ հիւսելու դասընթացքը: Ծրագիրը արդիւնքն է Հայաստանի Յովհաննէս Շարամբէեանի անուան ժողովրդական արուեստներու թանգարանի հետ Հայկազեան համալսարանի հաստատած գործակցութեան:
Դասընթացքին իրականացման համար հրաւիրուած են երեք մասնագէտներ վերոյիշեալ թանգարանէն:
Աշխատանոցը պիտի տեւէ 10 օր, որուն ընթացքին լիբանանահայ վարժարաններու աշակերտներ պիտի սորվին քիլիմ հիւսել: Դասընթացքի աւարտին պիտի կազմակերպուի ցուցահանդէսª աշակերտներուն հիւսած քիլիմներով:
Աշխատանոցին կը մասնակցին Ազգային Միացեալ, Հայ Աւետ. Գոլէճ, Հայ Աւետ. Շամլեան-Թաթիկեան, Հայ Աւետ. Կեդր. Բարձր., Հայ Կաթողիկէ Ս. Խաչ, ՀԲԸՄ, եւ Վահան Թէքէեան վարժարաններու 45 աշակերտներ:
