Ուժանիւթի եւ ջուրի հարցերու նախարարի պաշտօնակատար Ուալիտ Ֆայյատ յայտնեց, որ իրենք սկսած են գործադրել սուրիացի տեղահանուածներու գաղթակայաններուն մէջ սպառած ելեկտրականութեան վճարները արժեւորելու ծրագիրը: Ըստ Ֆայյատի, շուրջ 900 հաշուիչ սարք տեղադրուած է գաղթակայաններու մուտքինª արձանագրելու համար ելեկտրականութեան սպառումի ծաւալը: Ֆայյատ շեշտեց, որ Ելեկտրականութեան ընկերութիւնը գաղթականներու հարցերով զբաղող UNHCR-ի հետ համաձայնած է հետեւիլ գաղթակայաններուն մէջ հոսանքի սպառումինª ըստ այնմ վճարումները կազմակերպելու համար:
