Սուրիոյ նախագահ Պաշշար Ասատ ընդունեց Յորդանանի արտաքին գործերու նախարար Այման Սաֆատին, որուն հետ արծարծեց երկկողմանի յարաբերութիւններն ու տեղահանուածներու թղթածրարը: Ասատ պնդեց, որ Դամասկոսի իշխանութեան համար առաջնահերթութիւն է տեղահանուածներու տունդարձը, պայմանաւ որ ենթակառոյցները պատրաստ վիճակի մէջ ըլլան անոնց գալուստին եւ ապահովուի կենցաղային անհրաժեշտ պայմանները, որպէսզի վերադարձող սուրիացիները կարենան կարգաւորել իրենց կեանքին ընթացքը: Սաֆատի իր կարգին դիտել տուաւ, որ ՄԱԿ-ին եւ արաբական երկիրներուն հետ կայացած հաղորդակցութիւններուն ընթացքին Յորդանան առաջարկած է տեղահանուածներու հարցի լուծումին վերաբերող կարգ մը նոր առաջարկներ:
