Պաղեստինի Առողջապահութեան նախարարութիւնը յայտարարեց, որ երեք պաղեստինցի մահացած էª ներառեալ երեխայ մը, մինչ 29 անձ վիրաւորուած է, երբ իսրայէլեան բանակի մեծաթիւ ուժեր երէկ առաւօտեան ներխուժած են Այսրյորդանանի Ժընին քաղաքն ու անոր գաղթակայանը: Իսրայէլեան գործողութեան հետեւանքով դադրած են քաղաքի ելեկտրամատակարարումն ու ջրամատակարարումը: Իսրայէլեան բանակի բանբեր Աւիխայ Ատրահի յայտնեց, որ իրենց ուղղաթիռները կրակ բացած են Ժընինի ուղղութեամբ, ուր նկատած են զինեալներու շարժումներ: Ըստ իսրայէլեան բանակին, Ժընինի գործողութեան ընթացքին վիրաւորուած է վեց զինուոր:
