Իրանի Արտաքին գործերու նախարարութիւնը յայտարարեց, թէ պիտի վերաբանայ Ռիատի մէջ իր դեսպանատունըª յարաբերութիւններու բնականոնացումի բանակցութիւններուն շնորհիւ:
Միացեալ Նահանգներու արտաքին գործերու նախարար Անթոնի Պլինքըն հաստատեց, որ իր երկրի շահերէն կը բխի իսրայէլեան-սէուտական յարաբերութիւններու բնականոնացումը: Պլինքըն յայտնեց Իսրայէլին յաւելեալ մէկ միլիառ տոլարի օգնութիւն տրամադրելու մասինª զարգացնելու համար հակաօդային պաշտպանութեան համակարգերը: ՙԱյս օրերուն կը բոլորենք վտանգաւոր անկիւնադարձային փուլ մը, երբ աշխարհին մէջ բազմացած են մարտահրաւէրներն ու փոփոխութինները՚, ըսաւ Պլինքընª աւելցնելով, որ իրենք կ’օգնեն Իսրայէլինª ինքնապաշտպանուելու եւ ապահովելու սեփական անվտանգութիւնը: Ան խոստացաւ ամէն տեղ պաշտպանել Իսրայէլի շահերը եւ դէմ կանգնիլ հակաիսրայէլեան շարժումներուն: ՙՏարածաշրջանին մէջ Իսրայէլի համարկումը պիտի առաջնորդէ անվտանգութեան ամրապնդումին՚, յայտնեց Պլինքըն: Ան դիւանագիտութիւնը համարեց Իրանի հիւլէական հարցը լուծելու լաւագոյն միջոցը, սակայն չբացառեց այլընտրանքները:
