Երէկ, Լիբանանեան բանակի գաղտնի սպասարկութիւնը կատարեց խիզախ քայլ մը եւ հետապնդելէ ետք սէուտցի քաղաքացին առեւանգած ու փրկագին պահանջած խումբը, մուտք գործեց այդ վայրը, ուր կը պահուէր առեւանգեալը ու ազատ արձակեց զայն: Ձերբակալեց բոլոր յանցաւորները, բացի մէկ հոգիէ, որ կը գտնուէր սահմանին սուրիական կողմը: Ըստ ՙԷմ.Թի.Վի.՚ պատկերասփիւռի կայանին, Ապու Սալլա ծածկանունը կրող թմրեցուցիչի վաճառականը կը գտնուի այս գործողութեան ետին: Խումբը կը բաղկանայ եօթը հոգիէ:
