Լիբանանի վարչապետի պաշտօնակատար Նեժիպ Միքաթիի գրասենեակը յայտարարեց, թէ վարչապետը պիտի յետաձգէ այսօրուան ժողովը, որովհետեւ արդարադատութեան նախարարը մերժեց ներկայ գտնուիլ ժողովին: Ըստ կառավարութեան օրէնքին, վարչապետը կրնայ ոեւէ անձ հրաւիրել ժողովին խորհրդակցութեան համար: Արդարադատութեան նախարարը դէմ արտայայտուեցաւ այն որոշումին, ըստ որուն, Լիբանան պիտի չներկայացուէր Ֆրանսայի դատարանին առջեւ Կեդրոնական դրամատան կառավարիչ Ռիատ Սալամէի դատավարութեան ընթացքին: Նախարարը առաջարկած էր փաստաբաններ Էմմանուէլ Տաուտի եւ Փասքալ Պուվէի անունները որպէս Լիբանանի շահերու ներկայացուցիչ ֆրանսական դատարանին առջեւ եւ մերժուած էր վարչապետին կողմէ:
