Ռուսիոյ Դաշնութեան նախագահ Վլատիմիր Փութին յայտարարեց, թէ Արեւմուտքի ընկերութիւններ երբ հեռացան Ռուսիայէն, Ուքրանիոյ պատերազմին պատճառով, կարծեցին թէ Ռուսիոյ տնտեսութիւնը անկում պիտի արձանագրէ, չյուսացին որ երկրին մասնաւոր հատուածը այսքան պիտի զարգանայ ու պիտի արձանագրէ մեծ յաջողութիւն: Նախագահը աւելցուց, որ օրերը փաստեցին, թէ ռուսական ընկերութիւնները կրցան փակել այդ բացը եւ ժամը հասած է որ անոնք գրաւեն իրենց տեղը միջազգային շուկային վրայ:
Միւս կողմէ, Ռուսիոյ Դաշնութեան Ապահովութեան խորհուրդի փոխնախագահ Տմիթրի Մետվետեւ յայտարարեց, թէ անկարելի է որեւէ համաձայնութեան հասնիլ նախագահ Վոլոտիմիր Զելենսքիի վարչակարգին հետ: Ան աւելցուց, որ, հակառակ իր համոզումինª թէ ամէն պատերազմ պիտի աւարտի բանակցութեամբ եւ այս մէկը տարբեր չէ, սակայն Զելենսքիի հետ որեւէ բանակցութիւն անկարելի է:
