Լիբանանի վարչապետի պաշտօնակատար Նեժիպ Միքաթի յայտարարեց, թէ առժամեայ կառավարութեան ժողովները անհրաժեշտ են երկրին գործերը վարելու համար, մանաւանդ որ նախագահական աթոռը դատարակ է վեց ամիսէ ի վեր: Ան քննադատեց բոլոր այն ուժերը, որոնք դէմ են կառավարութեան ժողովներու գումարումին:
Կեդրոնական դրամատան կառավարիչի հարցի պարագային, ան Դատական իշխանութիւնը հրաւիրեց ըսելու իր խօսքը այս հարցին մէջ: Նաեւ ան յայտարարեց, թէ կառավարութեան յաջորդ ժողովին պիտի քննարկուի այս հարցը:
Միքաթի աւելցուց, որ պիտի գումարէ կառավարութեան ժողով մըª քննարկելու համար սուրիացի գաղթականներուն հարցը: Ան այս ժողովը կարեւոր նկատեց որպէս նախապատրաստութիւն այն ճառին, որ ան պիտի արտասանէ Պրիւքսէլի մէջ Եւրոպական միութեան առջեւ, 15 Յունիսին: