Արցախի Հանրապետութեան նախագահ Արայիկ Յարութիւնեան ուղերձ յղած է ներքին եւ արտաքին մարտահրաւէրներու մասին:
Ան յիշեցուցած է 163 օրէ ի վեր շրջապատուած Արցախի մասին: Արցախի ժողովուրդը կը պայքարի իր նախնիներու սուրբ հողը պահելու համար: Շրջապատումը կը վնասէ Արցախի ժողովուրդի ամենատարրական իրաւունքներուն: Ատրպէյճանի կողմէ կայ ցեղային զտումի քաղաքականութիւնը շարունակելու սպառնալիք, զինուորական ուժի օգտագործումով:
9 Նոյեմբեր 2020-ի ստորագրուած յայտարարութեան մէջ Արցախի ժողովուրդի ապահովութեան ռուսական երաշխիքի լուրջ ճեղքում կայ: Ռուս-ուքրանական պատերազմին պատճառով Կովկասի մէջ կը նկատուի լարուածութեան աճ: Կը նկատուի միջազգային իրաւակարգի շարունակական թուլացում եւ ձախողումª պաշտպանելու Արցախի ժողովուրդին մադկային իրաւունքները: Միջազգային դատարանին կայացուցած որոշումները չեն գործադրուիր:
Կը նկատուի Հայաստան-Ատրպէյճան յարաբերութեան բարելաւումի ճամբուն վրայ Հայաստանի դիրքի թուլացում եւ Արցախը Ատրպէյճանի կազմին մէջ ճանչնալու քայլեր:
Թուելէ ետք այս գործօնները, նախագահը Արցախի քաղաքցիներուն կոչ ուղղած է չյուսահատելու եւ ծառայելու Արցախին մէկ բռունցք դառնալով: Անընդունելի է ամէն յայտարարութիւն, որ կ’անտեսէ Արցախի ժողովուրդի ինքնորոշման իրաւունքը: Արցախ բնաւ չէ եղած եւ չի կրնար ըլլալ անկախ Ատրպէյճանի մաս: Այդ է ժողովուրդին կամքը: Այդ կամքը կատարելու համար հայերու կողքին կան միջազգային կողմեր, որոնք պիտի օժանդակեն այս պայքարին:
Իր ուղերձի աւարտին, նախագահը Հայաստանի քաղաքացիներուն, Սփիւռքի հայութեան եւ Ռուսիոյ Դաշնութեան նախագահ Վլատիմիր Փութինին կոչ ուղղեց յարգելու Արցախի ժողովուրդի ինքնորոշման իրաւունքը ամէն ձեւով:
