Լիբանանի խորհրդարանի փոխնախագահ Էլիաս Պու Սաապ յայտարարեց, թէ կառավարութիւնը ամբողջութեամբ բացկայ էր խորհրդարանական յանձնախումբերու քննարկումներէն: Ան յոյս յայտնեց, որ կառավարութիւնը այս հարցին կարեւորութիւն կու տայ ապագային: Ան աւելցուց, որ Կեդրոնական դրամատան կառավարիչ Ռիատ Սալամէ հրաւիրուած էր այսօրուան ժողովին, սակայն բացակայեցաւ: Կառավարիչին բացակայութիւնը ժխտական ազդեցութիւն պիտի ունենայ պետութեան դրամական հարցերու հոլովոյթին վրայ: Կարգ մը երեսփոխաններ պահանջած են կառավարիչին հրաժարականը: Ան կառավարիչին կոչ ուղղեց կայացնելու կարեւոր որոշում մը, երկիրը փրկելու համար ներկայ քաոսային վիճակէն, որմէ կը տուժեն քաղաքացիները եւ դրամատուները:
