ԱՄՆ-ի Արտաքին գործերու նախարարութիւնը հրապարակեց 2022 թուականի Կրօնական Ազատութեան միջազգային յանձնաժողովի (USCIRF) դաւանանքի ազատութեան մասին զեկոյցը: Ըստ զեկոյցին, 2022 թուականին Ատրպէյճանի մէջ կրօնական ազատութեան վիճակը եղած է ժխտական: Կառավարութիւնը հետապնդած ու ձերբակալած է շատ մը կրօնական գործիչներ:
Զեկոյցին մէջ նշուած է, որ Ատրպէյճան ծրագրուած ձեւով կ’ոչնչացնէ իր վերահսկողութեան տակ անցած Արցախի շրջաններուն մէջ հայկական մշակութային ժառանգի կոթողներ: USCIRF կազմակերպութիւնը կ’առաջարկէ ԱՄՆ-ի կառավարութեան ֆինանսաւորել մշակոյթի կոթողներու վերականգնումի եւ պաշտպանութեան աշխատանքը:
