Երէկ Լիբանանի Կեդրոնական դրամատան կառավարիչ Ռիատ Սալամէ պէտք է ներկայանար ֆրանսական դատարան, պատասխանելու համար ֆրանսացի դատաւորի հարցումներուն, որոնք կը վերաբերին իրեն ուղղուածª դրամ լուալու եւ դրամաշորթութեան ամբաստանութիւններուն: Ան չմեկնեցաւ Ֆրանսա եւ իր փաստաբանը չպատասխանեց հեռաձայնի զանգին: Ըստ կարգ մը տեղեկութիւններու, ֆրանսացի դատաւորները կը պատրաստուին վկայի կարգավիճակը փոխարինելու ամբաստանեալի կարգավիճակով:
Իր բացակայութեան պատճառով, ֆրանսացի դատաւորը ձերբակալութեան հրամանագիր արձակեց Ռիատ Սալամէի դէմ: Իսկ Լիբանանի Կեդրոնական դրամատան կառավարիչը յայտարարեց, թէ պիտի բողոքարկէ այդ ձերբակալութեան որոշումին դէմ: Ան ֆրանսացի դատաւորին վճիռը համարեց գործադրութիւն երկու չափ երկու կշիռի քաղաքականութեան, հիմնուած կանխամտածուած վարկածներու վրայ: