Միացեալ ազգերու կազմակերպութեան մօտ Ռուսիոյ Դաշնութեան պատուիրակ Վալերի Նիպինզիա յայտարարեց, թէ աշխարհը ականատես կը դառնայ երկու հոսանքներու բախումին: Մէկ հոսանքըª ղեկավարութեամբ ԱՄՆ-ի, կ’ուզէ պահել միաբեւեռ համակարգը, մինչ երկրորդ հոսանք մըª ղեկավարութեամբ Ռուսիոյ եւ Չինաստանի, կ’ուզէ հիմնել բազմաբեւեռ համակարգ մը, ուր առիթ պիտի տրուի տարբեր կարծիքներու: Միացեալ ազգերու կազմակերպութիւնը դարձաւ ամենամեծ զոհը այդ բախումին:
Միւս կողմէ, Ռուսիոյ Դաշնութեան արտաքին գործերու նախարար Սերկէյ Լաւրով յայտարարեց, թէ Շանկհայի համագործակցութեան կազմակերպութեան անդամ երկիրները կրնան ունենալ իրենց միացեալ դրամանիշը: Ան կոչ ուղղեց ջնջելու բոլոր ապօրինի պատժամիջոցները: Ան աւելցուց, որ Ուքրանիոյ նախագահ Վոլոտիմիր Զելենսքի խամաճիկ մըն է Միացեալ Նահանգներու եւ Արեւմուտքի ձեռքերուն մէջ: Լաւրով աւելցուց, որ իրենք կը հաւատան բանակցութեան, սակայն համբերութիւնը ունի իր սահմանը:
