Պաշտօնազրկուած դատախազ Ղատա Աուն, որ ստանձնած էր դրամատուներու տէրերուն եւ Կեդրոնական դրամատան կառավարիչին դէմ բացուած քննութիւնը, կոչ ուղղեց միջազգային ընտանիքին, Եւրոպական խորհրդարանին, ՄԱԿ-ին եւ ազատ երկիրներուն, փրկելու համար հալածուած, կողոպտուած ժողովուրդ մը, որ կ’ենթարկուի խոշտանգումի կազմակերպուած ոճիրի խումբի մը կողմէ: Ան աւելցուց, որ պաշտօնազրկուեցաւ, որովհետեւ պաշտպանեց ժողովուրդին իրաւունքը:
Միւս կողմէ, ՙՖայնենշըլ Թայմզ՚ օրաթերթը յայտարարեց, թէ դատախազ Աունի պաշտօնազրկումը բողոքի ալիք մը բարձրացուց Լիբանանի մէջ: Յօդուածագիրը աւելցուց, որ 2019-ի տնտեսական տագնապէն ի վեր որեւէ կողմ պատասխանատու չէ գտնուած այս անկումին համար: Ըստ օրաթերթին, ասոր պատճառը այն է, որ բոլոր յանցաւորները կը պատկանին քաղաքական եւ տնտեսական վերնախաւի մը, որ կը վայելէ անձեռնմխելիութիւն:
ԴԱՏԱԽԱԶ ՂԱՏԱ ՈՒՆԻ ԿՈՉԸ
