Սուտանի առժամեայ կառավարիչ եւ պաշտպանութեան նախարար Ապտըլֆաթթահ Ալ Պուրհան յայտարարեց, թէ պիտի չբանակցի Արագ օժանդակութեան կամ ՙճանճավիտ՚ զինեալներուն հետ մինչեւ որ ան վերադառնայ իր նախկին դիրքերը: Ան աւելցուց, թէ որեւէ արտաքին օժանդակութիւն չէ հասած իրենց եւ պիտի չինդունի որ որեւէ օժանդակութիւն հասնի միւս կողմին: Ալ Պուրհան հաստատեց, որ թոյլ պիտի չտայ քաղաքացիական պատերազմի մը բռնկումը: Զօրավարը աւելցուց, որ բացի մայրաքաղաք Խարթումէն, իր ուժերը գրաւած են բոլոր Արագ օժանդակութեան ուժերու զօրանոցները:
Եգիպտոսի Պաշպանութեան նախարարութիւնը յայտարարեց, թէ 177 զինուոր տեղափոխած է Սուտանէն, չորս օդանաւերու միջոցով:
Միւս կողմէ, Միացեալ ազգերու կազմակերպութեան Ընդհանուր քարտուղար Անթոնիօ Կութիերէշ կոչ ուղղեց Սուտանի մէջ կռուող կողմերունª եռօրեայ զինադուլ յայտարարել իսլամական Ֆըթրի տօնին առիթով, որպէսզի մարդիկ կարենան ուտելիք գտնել ու բժշկուիլ:
