Իսրայէլի խորհրդարանը երկրորդ եւ երրորդ ընթերցումով վաւերացուց օրինագիծ մը, որ կը պաշտպանէ վարչապետը հրաժարեցումէ: Այսինքն, դատական մարմիններ իրաւունք պիտի չունենան հրաժարեցնելու երկրին գործող վարչապետը որեւէ ամբաստանութեան համար: Այս օրէնքը կը պաշտպանէ Նեթանիահուն, որ քանի մը օրինազանցութիւններու համար կը դատուէր նախորդ կառավարութեան իշխանութեան ժամանակ: Փտածութիւնը եւ պաշտօնի չարաշահումը այդ ամբաստանութիւններն էին: Օրինագիծը վաւերացուեցաւ 61 թեր ու 47 դէմ քուէներով:
Միւս կողմէ, պաշտպանութեան նախարար Եոավ Կալանթ հրաւիրուեցաւ վարչապետին գրասենեակը այն լուրէն ետք, թէ ան ճնշում կը բանեցնէ Նեթանիահուի կառավարութեան առաջարկած դատական իշխանութեան սահմանափակումի օրինագիծին վաւերացումը արգիլելու համար: Կալանթ անդամ է Նեթանիահուի գլխաւորած ՙԼիքուտ՚ կուսակցութեան: Հարկ է նշել, որ այս բարեփոխումի օրինագիծը մեծ աղմուկ բարձրացուցած էր երկրին մէջ եւ ամիսներէ ի վեր հազարաւոր ցուցարարներ կը պահանջեն անոր չեղեալ համարումը:
