Ռուսիոյ Դաշնութեան Ապահովութեան խորհուրդի փոխնախագահ Տմիթրի Մետվետեւ յայտարարեց, թէ երկրի նախագահ Վլատիմիր Փութինի հանդէպ ձերբակալումի որեւէ փորձ կը նշանակէ պատերազմ յայտարարել Ռուսիոյ դէմ: Ան աւելցուց, որ Միջազգային քրէական դատարանը իրաւական կառոյց մըն է, որ արժէք չունի: Ան կարեւոր գործ չէ կատարած եւ մեծ պետութիւններ, ինչպէսª Չինաստան, ԱՄՆ եւ Ռուսիա, չեն ճանչնար զայն:
Մետվետեւ աւելցուց, որ Ռուսիոյ յարաբերութիւնը Արեւմուտքի հետ իր ամենացած մակարդակին վրայ է: Օրէ օր կը մօտենանք վտանգաւոր կացութեան մը, ուր Ուքրանիոյ զէնք կը մատակարարեն մինչեւ որ հասնինք հիւլէական կործանումի: Արեւմուտքի ծրագիրը Ռուսիան փոքր պետութիւններու բաժնելն է, դիւրացնելու համար անոր բնական պաշարներու կողոպուտը:
