ՀՀ փոխվարչապետ Տիգրան Խաչատրեան ընդունած է Ասիական զարգացման դրամատան (ԱԶԴ) հայաստանեան գրասենեակի տնօրէն Փաուլօ Սփանթիկաթիի գլխաւորած պատուիրակութիւնը:
Ողջունելով հիւրերը` փոխվարչապետը նշած է, որ Ասիական զարգացման դրամատունը մշտապէս եղած է եւ կը մնայ ՀՀ կառավարութեան վարած բարեփոխումներուն ուղեկցող կարեւորագոյն գործընկերներէն մէկը:
Տիգրան Խաչատրեան անդրադարձած է նաեւ ԱԶԴ-ի հետ ունեցած համատեղ ծրագիրներու ընթացքին` կարեւորելով ինչպէս մեծ ենթակառուցուածքային ծրագիրներու, այնպէս ալ հանրային եւ մասնաւոր հատուածին մէջ գիտելիքի եւ փորձի փոխանակման ուղղուած նախաձեռնութիւններու շարունակական ապահովման անհրաժեշտութիւնը:
Զրուցակիցները միտքեր փոխանակած են նաեւ ԱԶԴ-ի` Հայաստանի հետ նախանշած եւ մշակման փուլին մէջ գտնուող նոր ռազմավարութեան հիմնական ուղղութիւններուն շուրջ:
Շնորհակալութիւն յայտնելով ընդունելութեան համար` Փաուլօ Սփանթիկաթին նշած է, որ Ասիական զարգացման դրամատունը պատրաստ է շարունակելու օժանդակութիւնը ՀՀ կառավարութեան նախաձեռնութիւններուն` ենթակառուցուածքներուի զարգացման, ուժանիւթի, առողջապահութեան, կրթութեան եւ այլ ոլորտներուն մէջ:
