Արցախի Հանրապետութեան պետական նախարար Ռուբէն Վարդանեան շեշտեց, որ անցնող երկու օրերուն ստեղծուած վտանգաւոր վիճակը յաղթակարելու միակ ճամբան` միասնութիւնն է: Համապատասխան մարմիններուն հետ ընդլայնուած խորհրդակցութեան ընթացքին Վարդանեան ընդգծեց, որ հակառակ առկայ բարդ մարտահրաւէրներուն, պէտք չէ մատնուիլ խուճապի, այլ անհրաժեշտ է համակարգուած ու պատասխանատու աշխատանք: ՙԱրցախցիները արժանապատուութեամբ կը տանին դժուարութիւնները` ցուցաբերելով տոկունութիւն եւ ողջախոհութիւն: Թէեւ Արցախի մէջ մեծ է մարդասիրական ճգնաժամի վտանգը, սակայն ոչ ոք կը պատրաստուի ընկրկելու դժուարութիւններուն առջեւ՚,հաւաստիացուց պետական նախարարը:
