Ռուսիոյ Դաշնութեան նախագահ Վլատիմիր Փութին իր նեցուկը յայտնեց պաղեստինեան դատին արդար լուծում մը գտնելու համար: Ան այս յայտարարութիւնը կատարեց, երբ կ’ընդունէր պաղեստինեան իշխանութեան նախագահ Մահմուտ Ապպասը: Իր կողմէ, Ապպաս իր գոհունակութիւնը յայտնեց պաղեստինեան դատին հանդէպ Ռուսիոյ վարած քաղաքականութեան համար: Այս ժողովը գումարուեցաւ Ղազախստանի մայրաքաղաք Ասթանայի մէջ, ուր երկու ղեկավարները կը մասնակցին Ասիոյ ղեկավարներու գերաստիճանին:
