ՀՀ վարչապետի աշխատակազմի ղեկավար, Համահայկական ամառնային ութերորդ խաղերոգ կազմակերպման եւ կայացման կազմակերպչական կոմիտէի նախագահ Արայիկ Յարութիւնեան մասնակցած է Համահայկական խաղերու համաշխարհային կոմիտէի գործադիր կոմիտէի նիստին:
Հանդիպման ընթացքին քննարկուած են համահայկական ամառնային ութերորդ խաղերու կայացման եւ կազմակերպչական աշխատանքներու հետ կապուած հարցեր:
Վարչապետի աշխատակազմին ղեկավարը նաեւ խօսած է մարզական ենթակառուցուածքներու արդիականացման ուղղութեամբ կատարուած աշխատանքներու մասին եւ ընդգծած.
ՙՄենք յաջորդ խաղերուն շատ աւելի լաւ մարզադաշտեր, մարզադահլիճներ պիտի ունենանք: Կառավարութիւնը բաւականին մեծ ներդրում կատարած է մարզական ենթակառուցուածքներուն մէջ: Մարզահամերգային համալիրը այս պահուն քանի մը դահլիճներով եւ ենթակառուցուածքներով արդէն կրնայ բազմաթիւ մրցումներ ընդունիլ եւ յաջորդ ամառ մենք աշխուժօրէն պիտի ներգրաւենք մարզահամերգային համալիրը: Այլ դահլիճներ, որոնք նախապէս ներգրաւուած եղած են, նոյնպէս խաղերու ժամանակ պիտի օգտագործուին՚:
Վարչապետի աշխատակազմի ղեկավարը անդրադարձած է Երեւանի մէջ այս տարի տեղի ունեցած Բռնցքամարտի Եւրոպայի ախոյեանութեան: Արայիկ Յարութիւնեանը նշած է, որ յաջորդ տարի` 15-23 Ապրիլին, Երեւանի մէջ պիտի կայանայ Ծանրամարտի Եւրոպայի ախոյեանութիւնը:
