ՙԻրան Հիումըն Ռայց՚ մարդու իրաւունքի կազմակերպութիւնը յայտարարեց, թէ Իրանի մէջ անցեալ շաբաթ սկսած բողոքի ցոյցերուն ցարդ զոհուած են 76 քաղաքացիներ, ոստիկանութեան հետ բախումներու ընթացքին: Արեւմուտքը կը ճնշէ Իրանի վրայ` դադրեցնելու համար ճնշիչ գործողութիւնները: Կիսապաշտօնական ՙՖարս՚ լրատու գործակալութիւնը յայտարարած էր, թէ 60 հոգի զոհ գացած է բողոքի շարժումին, որ սկսած էր բանտարկուած կնոջ մը` Մահսա Ամինիի մահուան պատճառով: Շարժումը մանաւանդ կը շարունակուի Իրանեան Քիւրտիստանի մայրաքաղաք Սանանտաժ քաղաքին մէջ:
