ՀՀ Մարդու իրաւունքներու պաշտպան Քրիսթինէ Գրիգորեան ընդունած է Հայաստանի մէջ ԵՄ պատուիրակութեան ղեկավար« դեսպան Անտրէա Վիքթորինը եւ դեսպանատան ներկայացուցիչները:
Դեսպանը յատուկ շնորհակալութիւն յայտնած է պաշտպան Գրիգորեանին ու պաշտպանի աշխատակազմին այս օրերու ընթացքին կատարած աշխատանքին համար:
Քրիսթինէ Գրիգորեանը դեսպանին ներկայացուցած է Մարդու իրաւունքներու պաշտպանի` 16 Սեպտեմբերին հրապարակած զեկոյցին մէջ եւ զեկոյցի փակ հատուածին մէջ տեղ գտած փաստերը` ատրպէյճանական յարձակման հետեւանքով քաղաքացիական բնակչութեան ու քաղաքացիական ենթակառուցուածքներուն, շրջակայ միջավայրին հասցուած վնասներ, միջազգային մարդասիրական իրաւունքով արգիլուած այլ արարքներ:
Գրիգորեան խօսած է ատրպէյճանական զինուորներու կողմէ հայ ռազմագերիներու եւ զոհուած զինուորներու նկատմամբ իրականացուած յանցագործութիւններուն մասին:
Պաշտպանին խօսքով` զեկոյցին հրապարակումէն յետոյ փաստահաւաք աշխատանքները կը շարունակուին: ՄԻՊ-ի խմբակները 17 Սեպտեմբերին այցելած են ատրպէյճանական յարձակումէն տուժած բնակավայրեր` Գեղարքունիքի, Վայոց ձորի ու Սիւնիքի մարզերուն մէջ:
ՙՄեզի համար առաջին հերթին կարեւոր է հանդիպիլ եւ զրուցել ատրպէյճանական յարձակումէն տուժած անձերու հետ՚« հանդիպման ընթացքին նշած է պաշտպանը:
Դեսպանը շնորհակալութիւն յայտնած է ՄԻՊ-ին փաստերու հաւաքագրման եւ աւելի վաղ ուղարկուած զեկոյցներուն համար: Դեսպանը նշած է. ՙՇատ կարեւոր է ունենալ փաստարկուած տուեալներ, որ կարենաք ըսել` այո, սա փաստ է, սա ճշդուած է՚, նշած է դեսպան Անտրէա Վիքթորինին:
Պաշտպանը կարեւորած է միջազգային գործընկերներուն հետ տարուող աշխատանքները եւ իր շնորհակալութիւնը յայտնած է դեսպան Անտրէա Վիքթորինին եւ դեսպանատան ներկայացուցիչներուն:
Հանդիպման աւարտին քննարկած են, թէ ինչպէս կրնան համագործակցութեան միջոցով օգնել ատրպէյճանական յարձակումներէն տուժած անձերուն:
ՁԵՐՈՒՆ ՕԳՆԵԼՈՒ ՀՆԱՐԱՒՈՐՈՒԹԻՒՆԸ
