Տեսախցիկներով դիտարկման հետեւանքով պարզ դարձած է, որ Ջերմուկի մէջ հիւսիսային հատուածէն հակառակորդի 50-60 հոգինոց խումբ ետ քաշուած է, հակառակորդի միայն մէկ խումբ կը գտնուի Ջերմուկի մատոյցներուն մօտ` 4.5 քմ հեռաւորութեան վրայ` բլուրի գագաթին, սակայն այդ խումբը զրկուած է կենսունակութենէն, շրջափակուած է:
Այս մասին ասաց Զինուած ուժերու գլխաւոր շտաբի պետ Էտուարտ Ասրեանը Ջերմուկի մէջ լրագրողներու հետ ճեպազրոյցին:
ՙՈչ թէ ամբողջ ճակատով հասած են Ջերմուկի մատոյցներ, այլ միայն մէկ խումբ կը գտնուի բլուրի գագաթին վրայ: Եւ կենսունակութեան տեսակէտէն, եթէ հակառակորդի այդ խումբին սնուցում չըլլայ` թէ՛ սնունդով, թէ՛ ջուրով, ապա մի քանի օրուան ընթացքին անոնց միջոցները կը սպառին եւ ստիպուած պիտի ըլլան այնտեղէն դուրս գալ: Խումբը կողքերէն շրջափակուած է մեր ստորաբաժանումներուն կողմէ՚, ըսաւ ԳՇ պետը:
Մարտավարական իրադրութիւնը ան գնահատեց կայուն: Ասրեանը վստահ է, որ հայկական կողմի հմուտ գործողութիւններուն շնորհիւ այդ խումբը այդտեղէն կը հեռանայ:
ՙՊիտի չթոյլատրեն, որ ապահովուի անոնց կենսունակութիւնը. ինքնաշարժներու շարժ դէպի մեր տարածք պիտի չըլլայ, ներկայ դրութեամբ ալ չկայ, իրենք չեն կրնար բերել, սնունդ ու ջուր ապահովել, եւ կենսունակութիւնը կորսնցնելով` խումբը ետ պիտի քաշուի, պիտի միանայ իրենց հիմնական ստորաբաժանումներուն, որոնք Ջերմուկի մատոյցներէն կը գտնուին աւելի մեծ խորութիւններու` 7-8-10 քմ հեռաւորութեան վրայ՚, ըսաւ ԳՇ պետը: