Միջազգային իրաւական հարցերով ՀՀ ներկայացուցիչ Եղիշէ Կիրակոսեանը Ատրպէյճանի դէմ միջանկեալ միջոցներ կիրառելու պահանջով Եւրապական դատարան դիմած է: Ան Ֆէյսպուքի էջով գրառում կատարած է:
ՙԵրէկուընէ համացանցին մէջ կը տարածուին տեսագրութիւններ, ուր կ՛երեւին հայ ռազմագերիներ, որոնք փաստացի կը գտնուին ատրպէյճանցի զինուորներու վերահսկողութեան տակ:
Ի լրումն մեր երէկուան` Ատրպէյճանի դէմ միջանկեալ միջոցներ կիրառելու պահանջին, Եւրոպական դատարան ներկայացուցած ենք միջանկեալ միջոց կիրառելու լրացուցիչ պահանջ տեսանիւթերուն մէջ երեւցող զինուորներու հիմնարար իրաւունքներու պաշտպանութեան համար:
ՀՀ Պաշտպանութեան նախարարութեան մամուլի խօսնակ Արամ Թորոսեան աւելի վաղ յայտարարած էր, որ, հաշուի առնելով, որ ընկերային տարբեր հարթակներու վրայ մեծ ծաւալով կը տարածուին ատրպէյճանական քարոզչամեքենայի պատրաստած, այդ շարքին նաեւ կեղծ ու 44-օրեայ պատերազմի օրերուն եղած տեսանիւթերը, նախարարութիւնը կոչ կ՛ընէ ձեռնպահ մնալու անոնց որեւէ կերպ անդրադառնալէ` առաւել եւս հրապարակելէ: