14 Սեպտեմբերին Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսը Մայր Աթոռ Սուրբ Էջմիածնի մէջ հանդիպում ունեցաւ ՀՀ Զինուած ուժերու հոգեւոր առաջնորդ հոգեշնորհ Տ. Մովսէս վարդապետ Սարգսեանի հետ:
Հանդիպման ընթացքին անդրադարձ եղաւ Հայաստանի սահմաններուն Ատրպէյճանի սանձազերծած ռազմական գործողութիւններուն, առաջնագիծին տիրող իրավիճակին: Մասնաւորապէս քննարկուեցան գնդերէցներու ծառայութեան առնչուող հարցեր:
Հայոց Հովուապետը կարեւոր նկատեց, որ գնդերէցները շարունակեն իրենց նուիրեալ ծառայութիւնը` մշտապէս ըլլալով Հայոց բանակի ու հայ զինուորի կողքին հայրենիքի պաշտպանութեան սրբազան գործին մէջ, գօտեպնդեն ու բարձր պահեն անոնց մարտական ոգին:
Այս առնչութեամբ Ամենայն Հայոց կաթողիկոսը յորդորած է եկեղեցականներուն հովուական խնամք ցուցաբերել հայրենիքի պաշտպանութեան համար զոհուած զինուորներու ընտանիքներուն եւ վիրաւորներուն:
